Нэг. Нийслэлийн хэмжээнд согтууруулах ундаагаар үйлчлэх тусгай зөвшөөрөл эзэмшигчийн бусдад үйлчлэх үүрэг бүхий ажилтан (менежер, зохион байгуулагч, зөөгч, бармен, хамгаалагч зэрэг)-д хариуцлагатай үйлчилгээ үзүүлэх сургалт зохион байгуулах ашгийн төлөө бус хуулийн этгээдэд дараах шаардлага тавигдана:
1.1 ашгийн төлөө бус хуулийн этгээд байх;
1.2 Төрийн бус байгууллагын тухай хуульд заасан төрийн бус байгууллагад тавигдах ерөнхий шаардлагыг хангасан байх;
1.3 хууль, эрх зүй, анагаах ухааны болон сэтгэл судлалын чиглэлээр бакалаврын зэрэг эзэмшсэн 3-аас доошгүй багштай байх;
1.4 сургалтын чиглэлээр үйл ажиллагаа явуулж байсан туршлагатай бол давуу тал болно.
1.5 Нийслэлийн Засаг даргын 2023 оны 03 дугаар сарын 13-ны өдрийн А/209 дүгээр захирамжаар батлагдсан жишиг хөтөлбөрийн дагуу боловсруулсан сургалтын хөтөлбөртэй байх. НЗД-ын захирамжтай энд дарж танилцана уу.
Хоёр. Бүрдүүлэх материал:
2.1 Албан хүсэлт;
2.2 Хуулийн этгээдийн улсын бүртгэлийн гэрчилгээний хуулбар;
2.3 Сургалт явуулах 3-аас доошгүй багшийн бакалаврын дипломын баталгаажуулсан хувь, хөдөлмөрийн гэрээ;
2.4 Сургалтын хөтөлбөр;
2.5 Сургалт явуулах байрны үл хөдлөх эд хөрөнгийн эрхийн улсын бүртгэлийн гэрчилгээний хуулбар, түрээсийн гэрээ;
2.6 Анги танхим, техник хэрэгслийн фото зураг.
Гурав. Хүсэлт хүлээн авах
Согтууруулах ундаагаар үйлчлэх тусгай зөвшөөрөл эзэмшигчдэд хариуцлагатай үйлчилгээ үзүүлэх хүсэлт, холбогдох материалыг 2023 оны 05 дугаар сарын 31-ний өдрийн дотор дараах хаягаар авна:
Улаанбаатар хот, Чингэлтэй дүүрэг, 1 дүгээр хороо, Ц.Жигжиджавын гудамж-7/1, Хангарди ордон, 608 тоот.
Холбоо барих утас: 11315349,
Цахим хуудас:www.ubservice.mn